Wednesday, April 29, 2015

अपडेट– भूकम्पबाट मृत्यु हुनेको संख्या ५०२६ पुग्यो /४६०९ को शव आफन्तलाई बुझाइयो

अपडेट– भूकम्पबाट मृत्यु हुनेको संख्या ५०२६ पुग्यो /४६०९ को शव आफन्तलाई बुझाइयो


बैशाख १६, काठमाडौं । 

मुलुकका विभिन्न भागमा आएको बिनाशकारी भुकम्पमा परी मृत्यु हुनेको संख्या ५ हजार २७ जनाको मृत्यु भएको छ । १० हजार २ सय ३५ जना घाइते भएका छन् ।

उपत्यकाको काठमाडौंमा १ हजार ३९, भक्तपुरमा २ सय ५२ र ललितपुरमा १ सय ६८ जनाको मृत्यु भएको गुमेको छ भने काठमाडौंमा २ हजार ४ सय, भक्तपुरमा १ हजार ८ सय ८६ र ललितपुरमा १ हजार ९० जना घाइते भएका छन् ।

यसैगरी पूर्व क्षेत्रमा ५१, मध्यक्षेत्रमा ३ हजार १ सय २, पश्चिम क्षेत्रमा ४१३ र मध्य पश्चिम क्षेत्रमा २ जनाको ज्यान गुमेको छ भने पूर्व क्षेत्रमा २१६, मध्यक्षेत्रमा ३४८४, पश्चिम क्षेत्रमा ११३० र मध्य पश्चिम क्षेत्रमा २१ जना घाइते भएका छन् ।

भूकम्पबाट सबैभन्दा बढी प्रभावित सिन्धुपाल्चोकमा १ हजार ३ सय ७६ जनाको मृत्यु भएको पुष्टी भएको छ । यस्तै, भूकम्पबाट अति प्रभावित नुवाकोटमा ६ सय ३८, गोरखामा ४ सय ५, धादिङमा ३ सय ७३ जना, रसुवामा ३ सय २, काभ्रेमा २ सय ७३ र दोलखामा ५४ जनाको मृत्यु भएको पुष्टी भएको प्रहरीले जनाएको छ ।

उल्लेखित संख्यामा काठमाडौंमा ९, सोलुखुम्बुमा ७, मकवानपुरमा १ जना गरी १७ जना ज्यान गुमाएका तथा २२ जना घाइते भएका पर्यटक रहेका छन् ।

प्रहरीका अनुसार हालसम्म काठमाडौंमा ९ सय ५२, भक्तपुरमा २ सय ५०, ललितपुरमा १ सय ५९, पूर्व क्षेत्रमा २९, मध्यक्षेत्रमा २९८८, पश्चिम क्षेत्रमा २ सय २९ र मध्य पश्चिम क्षेत्रमा २ जना गरी जम्मा ४ हजार ६ सय ९ को शव आफन्तलाई बुझाइएको छ भने अन्य शव विभिन्न अस्पतालमा रहेको हुदा शव सनाखतको लागि पहल भइरहेको छ । साथै हराएका तथा खोजीमा रहेका व्यक्तिका आफन्तहरुले पहिचानको लागि नजिकको अस्पताल वा प्रहरी कार्यालयमा गई सूचना दिन समेत प्रहरीले अनुरोध गरेको छ । 

- See more at: http://radiokantipur.org/kantipur-diary/15058/%E0%A4%85%E0%A4%AA%E0%A4%A1%E0%A5%87%E0%A4%9F%E2%80%93-%E0%A4%AD%E0%A5%82%E0%A4%95%E0%A4%AE%E0%A5%8D%E0%A4%AA%E0%A4%AC%E0%A4%BE%E0%A4%9F-%E0%A4%AE%E0%A5%83%E0%A4%A4%E0%A5%8D%E0%A4%AF%E0%A5%81-%E0%A4%B9%E0%A5%81%E0%A4%A8%E0%A5%87%E0%A4%95%E0%A5%8B-%E0%A4%B8%E0%A4%82%E0%A4%96%E0%A5%8D%E0%A4%AF%E0%A4%BE-%E0%A5%AB%E0%A5%A6%E0%A5%A8%E0%A5%AC-%E0%A4%AA%E0%A5%81%E0%A4%97%E0%A5%8D%E0%A4%AF%E0%A5%8B-/%E0%A5%AA%E0%A5%AC%E0%A5%A6%E0%A5%AF-%E0%A4%95%E0%A5%8B-%E0%A4%B6%E0%A4%B5-%E0%A4%86%E0%A4%AB%E0%A4%A8%E0%A5%8D%E0%A4%A4%E0%A4%B2%E0%A4%BE%E0%A4%88-%E0%A4%AC%E0%A5%81%E0%A4%9D%E0%A4%BE%E0%A4%87%E0%A4%AF%E0%A5%8B/#sthash.nxQ8WtfG.dpuf

No comments: